U Ministerstvie achovy zdaroŭja raspaviali pra stan zdaroŭja Dźmitryja Kałduna.
Dźmitryj Kałdun špitalizavany ŭ 6-ju balnicu Minska z prykmietami vyjaŭlenaj intaksikacyi niezrazumiełaha hieniezu. U stacyjanary praviali kompleks dyjahnastyčnych mierapryjemstvaŭ z metaj vyklučeńnia ŭ tym liku virusnaj pnieŭmanii.
Pierad hetym śpiavak adčuŭ niedamahańnie, u jaho padniałasia tempieratura. Jon vyrašyŭ zdać test na karanavirus. U pryjomnym pakoi jamu zrabili ekspres-test, jaki pakazaŭ sumnieŭny vynik na najaŭnaść imunahłabulinaŭ M, u suviazi z čym było vyrašana pravieści dalejšuju PCR-dyjahnostyku.
Na siońnia dyjahnaz «pnieŭmanija» ŭ Dźmitryja Kałduna vyklučany, taksama atrymanyja admoŭnyja vyniki PCR-dyjahnostyki COVID-19 i admoŭny vynik kolkasnaha testu na najaŭnaść antyciełaŭ. Stan artysta stabilny. Pacyjenta rychtujuć da vypiski na dalejšaje lačeńnie ŭ ambułatornych umovach. Kančatkovy dyjahnaz budzie vystaŭleny pa vynikach łabaratornych daśledavańniaŭ na najaŭnaść uzbudžalnikaŭ reśpiratornych zachvorvańniaŭ.
