Pra heta 29 červienia paviedamiŭ doŭhaterminovy naziralnik kampanii «Pravaabaroncy za svabodnyja vybary» Leanid Sudalenka, jaki prysutničaŭ na pasiadžeńni Savieckaj rajonnaj kamisii pa vybarach prezidenta, paviedamlaje «Homielskaja viasna».
Fota Leanida Sudalenki
Samy vialiki pracent niesapraŭdnych podpisaŭ pa vyniku asnoŭnaj i dadatkovaj pravierki ŭ Viktara Babaryki — 23,28%. Pa hetaj pryčynie pryniata rašeńnie nie zaličvać eks-kiraŭniku Biełhazprambanka ŭsie zdadzienyja na pravierku 4870 podpisaŭ. U eks-kiraŭnika Parka vysokich technałohij Valeryja Capkały pa vyniku dźviuch pravierak niesapraŭdnymi akazalisia 16,53%. U vyniku jamu nie pajšli ŭ zalik usie 1956 podpisaŭ.
U pakinutych piaci pretendentaŭ, u tym liku dziejučaha kiraŭnika dziaržavy, pracent niesapraŭdnych podpisaŭ u vyniku asnoŭnaj pravierki skłaŭ mienš za 15%, i pa ich paŭtornyja pravierki nie pravodzilisia.
Absalutna čystymi akazalisia ŭsie 45 podpisaŭ tolki ŭ eks-deputatki Hanny Kanapackaj.
