Pieršapačatkovyja zdahadki, što COVID-19 akazvaje niehatyŭny ŭpłyŭ tolki na orhany dychańnia, akazalisia niaviernymi, paviedamlaje Reuters.
Navukoŭcy ŭ daśledčych centrach u ZŠA pryjšli da vysnovy, što chvaroba nanosić udar pa ŭsim arhaniźmie čałavieka, a jaje niehatyŭnyja nastupstvy mohuć adbivacca jašče šmat hadoŭ.
Akazałasia, što karanavirus bje i pa sercy, i pa piečani, i pa nyrkach. Spačatku mierkavałasia, što heta reśpiratornaje zachvorvańnie. Navukoŭcy padumać nie mahli, što zapaleńnie lohkich tolki pieršaja stadyja. Niehatyŭnymi nastupstvami chvaroby mohuć być paharšeńnie zhusalnaści kryvi, mocnyja hałaŭnyja boli, hałavakružeńnie.
Niehatyŭnyja nastupstvy karanavirusa stali siurpryzam dla navukoŭcaŭ. Kali spačatku daktaroŭ bolš cikaviła, jak praciakaje chvaroba ŭ pacyjentaŭ z chraničnymi zachvorvańniami, to ciapier nie mienš važna zrazumieć, jak prachodzić praces adnaŭleńnia ŭ tych, chto pieranios karanavirus biez špitalizacyi.
Choć u siarednim karanavirus trymajecca ŭ čałaviečym arhaniźmie 2-3 tydni, u 10% vypadkach simptomy zastajucca navat pry ŭžo admoŭnym teście. Havorka idzie ŭ tym liku pra stratu niuchu i smaku.
