Fota arhanizataraŭ
Adzin z hałoŭnych festaŭ hetaha leta «Rok za Babroŭ» admienieny. Jaho pieranosiać z 1 žniŭnia 2020 na nastupny hod. Jon projdzie 7 žniŭnia 2021 hoda. Miesca zastajecca raniejšym — aeradrom Lipki. Usie artysty, jakija pavinny byli vystupić sioleta, paćvierdzili svoj udzieł u fiestyvali nastupnaha hoda. U ich liku — Little Big, piša Tut.by.
Arhanizatary dzielacca, što rašeńnie ab pieranosie dałosia im niaprosta, tym bolš što jany ŭžo vyjšli na finalnuju stadyju padrychtoŭki fiestyvalu. Siońnia płanavałasia abjavić finalny skład artystaŭ i pačać detalovuju pracu ź placoŭkaj.
— Ale, kali ŭ krainie praciahvajecca baraćba z karanavirusam, u nas niama prava rabić samy masavy biletny muzyčny fiestyval Biełarusi i ihnaravać rekamiendacyi miedykaŭ i epidemijołahaŭ. My nie možam dazvolić sabie ryzykavać zdaroŭjem dziasiatkaŭ tysiač čałaviek, — kamientujuć pradstaŭniki fiestyvalu.
Na «Rok za Babroŭ» pryjazdžajuć nie tolki biełarusy, ale i hości ź inšych krain. Zamiežniki vykupili sotni kvitkoŭ na «Rok za Babroŭ-2020», ale miežy zakrytyja, i, pa słovach arhanizataraŭ, jany nie bačać mahčymaści vyrašeńnia hetaj prablemy.
U łajn-apie festu ŭ hetym hodzie byli hrupy «Źviary», «Pornafilmy», Noize MC, Louna, «Pošłaja Moli» i «J:Mors». Usie zajaŭlenyja artysty vystupiać na «Rok za babroŭ» u nastupnym hodzie.
«Rok za Babroŭ» — biełaruski muzyčny fest. Za apošnija hady jon nie tolki staŭ adnym z samych paśpiachovych fiestyvalaŭ u Biełarusi, ale i nieadnarazova ŭvachodziŭ u top-5 samych papularnych fiestyvalaŭ SND. U 2019 «Rok za Babroŭ» naviedali bolš za 50 tysiač čałaviek, što stała rekordam dla biletnych fiestyvalaŭ Biełarusi.
