Praktyčna ŭsie kinateatry dziaržaŭnaj sietki «KinoMinska» viernucca z vymušanych kanikuł 30 lipienia. Na hetuju datu namiečana premjera novaha filma Krystafiera Nołana «Dovad», pieradaje «Minsk-Naviny».
Jak raspavioŭ «MN» pieršy namieśnik hienieralnaha dyrektara Andrej Razžavajkin, premjernuju karcinu pakažuć va ŭsich kinateatrach sietki, akramia «Doma kino» i «Pijanier». Usiaho ŭ strukturu «KinoMinska» ŭvachodziać 13 kinateatraŭ, 12 ź ich časova nie pracujuć ź siaredziny krasavika. Pracu padčas pandemii nie spyniaŭ tolki kinateatr «Biełaruś». Razžavajkin kamientuje:
- U «Biełarusi» ź piaci załaŭ pracavali try i tolki na viačernich sieansach. Niadaŭna adkryli čaćviortuju zału. Patrochu raście naviedvalnaść. Kali ŭ krasaviku multypleks za dzień mahli naviedać 40 - 70 čałaviek, to ciapier užo druhi tydzień my nazirajem, što płanka trymajecca na ŭzroŭni 150.
