Televiadoŭca Dzianis Dudzinski pryjšoŭ da kramy Symbal.by. Nahadajem, što ŭčora stała viadoma, što pad ciskam krama pa adrasie Mašerava, 18 začyniajecca. Učora ludzi vystrailisia ŭ čarhu ŭ kramu, pryjechaŭ AMAP i zatrymaŭ bolš za 10 čałaviek, skłaŭšy na ŭsich pratakoły.
Siońnia čarha ŭ kramu adnaviłasia. U jaje pryjšli litaraturaznaŭca Julija Čarniaŭskaja, astranom i fatohraf Viktar Małyščyc, televiadoŭca Dzianis Dudzinski.
«Siońnia ja budu čarhoj u Symbal.by, — napisaŭ Dzianis Dudzinski. — Mienavita siońnia mnie jak nikoli patrebna cišotka ad «Symbala»… Bo, hej, vializny i strašenny AMAP, NIELHA bić dubinkami ludziej, jakija pryjšli nabyć vopratku ci kubačak…
NIELHA bić stałuju žančynu tolki tamu, što jana prachodziła la kramy… NIELHA natoŭpam naskokvać na studenta, jaki pryjšoŭ sa svaim siabram nabyć suvienir… Jany prosta stajać u čarzie ŭ kramu, navat anijakich łozunhaŭ ci zaklikaŭ, nichto navat nikoha nie zapytvaje, chto za kaho budzie hałasavać…
Jany prosta stajać i, jak heta zaŭsiody ciapier z moładziu, tupiać u svaje telefony ci traviać bajki pra svaich vykładčykaŭ i siabraŭ.
Ej, AMAP, nu, vy takija vializnyja i takija strašennyja, ale ž takija durnahałovyja i śmiešnyja… Darečy, tam niedaleč žyvuć maje baćki. A vy ich taksama budziecie łupić, kali jany buduć prachodzić mima, a? Nu, tady kabzda vam! Ja kvoły i ŭžo va ŭzroście, ale ž, kali źnievažajuć i kryŭdziać maich rodnych ci siabroŭ, rablusia durnym na ŭsiu hałavu.
Fota z fejsbuka Dzianisa Dudzinskaha
I jašče pytańniečka… A navošta čarhu zdymać na videa? My sami siabie zdymali i voś vykładvajem u sieciva, dzie vy možacie znajsci ŭsio i usich. Nu, i pryvitańnie vam ad televiadoŭcy Dudzinskaha.
P.S. Cišotku ja tak i nie nabyŭ — nie znajšoŭ svajho pamieru, ale ž zhadaŭ, što mnie vielmi patrebna harbata «Bieły pierac i ruža».
«U Namibii mianie čakaje druhaja žonka». Televiadoŭca Dzianis Dudzinski, jaki abjeździŭ Afryku i Paŭdniovuju Amieryku, — pra samyja trešovyja padarožžy
