Patencyjnamu kandydatu na pasadu prezidenta Biełarusi i hałoŭnamu supierniku Alaksandra Łukašenki Viktaru Babaryku vystavili kryminalnaje abvinavačańnie, paviedamiŭ jahony advakat «RIA Novosti».
Artykuł, u parušeńni jakoha jaho abvinavačvajuć, nie vydajecca.
Advakat padkreśliŭ, što «Viktar Dźmitryjevič kateharyčna nie zhodny z vystaŭlenym abvinavačvańniem». «Abarona nastojvaje na jaho poŭnaj nievinavataści», — skazaŭ advakat interfax.by.
Pavodle jaho słoŭ, Babaryka «žyvy i zdarovy».
Nahadajem, što 11 červienia prajšli pieratrusy ŭ Biełhazprambanku, jakim raniej kiravaŭ Viktar Babaryka, i ŭ kampanijach jaho siabroŭ. A 18 červienia Babaryku i jahonaha syna Eduarda zatrymali i źmiaścili ŭ SIZA KDB. Heta zdaryłasia paśla taho, jak stała viadoma, što kamanda Babaryki sabrała rekordnuju dla Biełarusi kolkaść podpisaŭ u jaho padtrymku. Usiaho razam z Babarykam aryštavanyja jak minimum 20 jaho siabroŭ, kaleh pa biznesie i siabroŭ inicyjatyŭnaj hrupy.
Raniej byŭ aryštavany videabłohier Siarhiej Cichanoŭski, jaki taksama zajaŭlaŭ pra svaje pieradvybarčyja namiery. Razam ź Cichanoŭskim pa jahonych spravach prachodziać kala dziesiaci čałaviek.
Akramia ich, byli aryštavanyja viadomyja palityki Mikałaj Statkievič i Pavieł Sieviaryniec za arhanizacyju vuličnych pratestaŭ.
Nikoli raniej pieradvybarnaja kampanija nie prachodziła ŭ takoj atmaśfiery.
