U Lelčyckim rajonie mužčyna vynies z susiedniaj pałajučaj chaty dvaich dziaciej. Zdareńnie adbyłosia 2 červienia pryblizna ŭ 14.30 u vioscy Ivanava Słabada, paviedamlajuć ratavalniki.
Miascovy žychar ubačyŭ u aknie pałajučaha susiedniaha doma dziaciej. Jon sprabavaŭ patrapić u jaho praź dźviery, adnak jany ŭžo hareli. Taksama da pryjezdu pažarnych ahniom byŭ achopleny dach i haspadarčyja pabudovy. Mužčyna zalez u chatu praz akno i vynies dvuch dziaciej 4-ch i 7-mi hadoŭ, jany nie paciarpieli. Maci dziaciej u hety momant znachodziłasia na aharodzie, baćka ź siamjoj nie žyvie.
Asnoŭnaja viersija pryčyny pažaru — nieaściarožnaje abychodžańnie z ahniom pry kureńni.
0
0
0
0
0
0
