Fota Nadziei Bužan
Udzielniki eks-prajmieryz Juryj Hubarevič, Mikałaj Kazłoŭ i Volha Kavalkova, niahledziačy na toje, što aficyjna admovilisia ad udziełu ŭ vybarach, usio ž vyrašyli padać dakumienty na rehistracyju inicyjatyŭnaj hrupy.
Ich hrupa naličvaje 110 čałaviek.
Podpisy jany źbirać nie dumajuć.
Užo byłyja kandydaty prajmieryz — Juryj Hubarevič, Volha Kavalkova, Mikałaj Kazłoŭ — zajavili pra toje, što nie buduć vyznačać adzinaha kandydata ŭ minułuju niadzielu. Jany anansavali supolnuju inicyjatyŭnuju hrupu, raspačaŭšy kampaniju za adstaŭku Łukašenki, sumlennyja vybary i sistemnyja reformy dla novaj Biełarusi.
Pavodle vynikaŭ anłajn-hałasavańnia prajmieryz, pieramohu ŭ internecie atrymaŭ Mikałaj Kazłoŭ — 39,8%. Kali jeździli pa rehijonach, to pieramahaŭ Sieviaryniec, ale jon źniaŭsia z prajmieryz 16 sakavika.
Raniej zajaŭlałasia, što ŭdzieł u anłajn-hałasavańni voźmuć da 100 tysiač čałaviek, a adzinaha kandydata abiaruć na źjeździe ŭ kancy maja. Ale praź niebiaśpieku karanavirusa realizavać płany nie ŭdałosia.
