«Naša Niva» spytałasia ŭ načalnika ŭpraŭleńnia haradskoj haspadarki i enierhietyki Minharvykankama Uładzimira Lebiedzia, čamu aciaplalny siezon u Biełarusi praciahvajecca ŭ mai.
«Rašeńnie ab adklučeńni aciapleńnia ŭ Minsku prymajecca ŭ adpaviednaści z TKP 388-2012 «Praviły padrychtoŭki i praviadzieńnia asieńnie-zimovaha pieryjadu enierhazabieśpiačalnymi arhanizacyjami i spažyŭcami ciepłavoj enierhii». U hetym dakumiencie skazana, što minimalny pakazčyk tempieratury pavietra na vulicy pavinien pratrymacca na praciahu troch sutak u miežach 8°C ciapła. Tady aciapleńnie moža być adklučana. Pakul ža było chaładniej. Zaraz u nas amal paŭsiul stajać aŭtamatyčnyja termarehulatary, što dazvalaje padtrymlivać kamfortnuju tempieraturu ŭ pamiaškańniach na ŭzroŭni 18—20 hradusaŭ. Kali na vulicach chaładniej, tempieratura ŭ batarejach padvyšajecca, i naadvarot», — adkazvaje Uładzimir Lebiedź.
Na pytańnie, ci źviazany doŭhi aciaplalny siezon z pandemijaj karanavirusa, Uładzimir Lebiedź adkazaŭ: «Kali my zaraz adklučym aciapleńnie, tempieratura ŭ tych ža balnicach upadzie da 16 hradusaŭ. Heta drenna. Tamu pakul aciaplalny siezon praciahvajecca».
