Vielikodnyja paschi i jajki dastaviać na dom, jak i inšyja pradukty. Pierad hetym ich aśviacić baciuška. Usiaho rychtujuć try vidy pirahoŭ, kaštujuć jany ad 1,29 rubla. Da kanca tydnia dastupnyja i inšyja śviatočnyja stravy da vielikodnaha stała, u tym liku zapiečanaje parasia.
«Ideja dastaŭlać na dom aśviačonuju pradukcyju paŭstała jašče da rostu popytu na dastaŭku praduktaŭ. Supadzieńnie rostu zachvorvańniaŭ sa śviatami — nie ź liku pryjemnych, i my chočam zrabić usio, što ŭ našych siłach, kab dapamahčy ludziam sustreć Vialikdzień sa zvykłymi atrybutami, ale pry hetym zastacca doma. Hatavać pirahi budziem pa isnujučaj tradycyi, a aśviačać ich pahadziŭsia baciuška. Spadziajemsia, heta dapamoža tysiačam biełarusaŭ nakryć vielikodny stoł», — adznačajuć u «Je-dastaŭcy».
Vielikodnaja dastaŭka budzie pracavać da niadzielnaj nočy. Zamović jaje možna ŭ Minsku.
