Kiraŭnik Kitaja Si Czińpin papiaredziŭ śviet pra pahrozu pandemii karanavirusa tolki na siomy dzień paśla taho, jak ułady krainy pryjšli da hetaj vysnovy, paviedamlaje APNews.
Za amal tydniovy pieryjad maŭčańnia ŭ Kitai paśpieli zarazicca try tysiačy čałaviek, a miljony ludziej vyjechali z Uchania — epicentra ŭspyški COVID-19 — u inšyja harady.
Kitajski centr pa kantroli i prafiłaktycy zachvorvańniaŭ na praciahu amal dvuch tydniaŭ nie rehistravaŭ vypadkaŭ zaražeńnia, infarmacyja pra jakija pavinna była pastupać ad rehijanalnych uład, choć z 5 pa 17 studzienia špitali prymali sotni pacyjentaŭ pa ŭsioj krainie, piša vydańnie.
Ekśpierty źviazvajuć padobnuju zatrymku z bojaźziu rehijanalnych uład pieradavać drennyja naviny svajmu načalstvu i publičnym pakarańniem vaśmi kitajskich daktaroŭ, jakija sprabavali papiaredzić inšych ab novym virusie.
Nie majučy ŭ rasparadžeńni adpaviednych spravazdač ab zaražeńniach, vyšejšaje kiraŭnictva Kitaja pačało rabić zachady pa praduchileńni patencyjnaj pandemii tolki 13 studzienia, kali byŭ zarehistravany pieršy vypadak infikavańnia karanavirusam za miežami Kitaja.
