ria.ru
Prezident Rasii Uładzimir Pucin raskryŭ detali novaha antykryzisnaha płana pa padtrymcy ekanomiki va ŭmovach pandemii karanavirusa. Pra heta jon raspavioŭ padčas zvarotu da hramadzian. Tranślacyja viałasia na kanale «Rasii-24» u Youtube.
Pa słovach kiraŭnika dziaržavy, pa kožnym z bazavych apornych siektaraŭ ekanomiki treba prapracavać asobnyja miery padtrymki. U pryvatnaści, prezident prapanavaŭ nakiravać dadatkova 200 miljardaŭ rubloŭ (2,7 młrd dalaraŭ) na zabieśpiačeńnie zbałansavanaści biudžetu rehijonaŭ. Na padtrymku avijacyjnych kampanij płanujecca vyłučyć 23 miljardy rubloŭ (314 młn dalaraŭ).
Taksama Pucin abviaściŭ pra toje, što rasijski biznes atrymaje hrošy na vypłatu zarobkaŭ. Abjom pradastaŭlenych srodkaŭ na kampaniju budzie raźličvacca z ulikam kolkaści jaje supracoŭnikaŭ pa stanie na 1 krasavika 2020 hoda, zychodziačy ź minimalnaha pamieru apłaty pracy (12 130 rubloŭ, abo 165 dalaraŭ) na adnaho rabotnika. Płanujecca, što hrošy pačnuć pastupać z 18 maja.
