U špitalach Kryma z dyjahnazam VRVI znachodziacca amal paŭtary tysiačy čałaviek, ź ich bolš za adnu tysiaču pacyjentaŭ — z dyjahnazam «pnieŭmanija». Pra heta paviedamiŭ ministr achovy zdaroŭja Kryma Ihar Čamadanaŭ na pasiadžeńni apieratyŭnaha štaba pa niedapuščeńni raspaŭsiudžvańnia karanavirusnaj infiekcyi, paviedamlaje sajt krymr.com.
«U nas špitalizavana z prykmietami VRVI 1447 čałaviek, a mienavita ź pnieŭmanijaj — 1039 čałaviek. Dla Kryma heta kałasalnaja kolkaść», — kanstatavaŭ Čamadanaŭ.
Niekatoryja ekśpierty vykazvali mierkavańnie, što realnaja situacyja z karanavirusam ŭ Rasii našmat horšaja, čym dekłarujecca.
Rasstat zafiksavaŭ rost vypadkaŭ pnieŭmanii ŭ Maskvie ŭ studzieni z 5058 u 2019 hodzie da 6921 u 2020-m.
Miedyčnyja ŭłady Maskvy abviarhajuć: heta inšyja pnieŭmanii, z karanavirusam nie źviazanyja. Bolš za toje, ułasnaja statystyka maskoŭskaha ŭpraŭleńnia achovy zdaroŭja i rostu nie fiksuje, a naadvarot, naziraje źnižeńnie adpaviedna na 8% i 7% proci minułaha hoda. Heta byŭ prosta statystyčny zboj u sistemie Rasstata.
Atmaśfiera niedavieru charakternaja nie tolki dla Rasii, ale i dla inšych aŭtarytarnych i dyktatarskich režymaŭ. Ludzi bajacca, što ŭłady ŭ hetych krainach dumajuć nie stolki pra minimizacyju maštabaŭ epidemii, kolki pra toje, kab statystyka vyhladała lepš, čym u inšych krainach.
Padazreńnie ŭ navukoŭcaŭ vyklikała taksama statystyka ŭ Iranie i Kitai.
Usiaho pa stanie na 20 sakavika ŭ śviecie ad karanavirusa pamierła bolš za 11 tysiač čałaviek. Śmiarotnaść asabliva vysokaja ŭ ludziej, starejšych za 60 i, asabliva, za 80 hadoŭ. Mužčyny pamirajuć udvaja čaściej za žančyn, vyjavili epidemijołahi na asnovie analizu statystyki Kitaja.
Druhaja chvala karanavirusa prymusiła rasijskija ŭłady pastavicca da jaho ŭsurjoz. Rasija zakryła svaje miežy, infarmacyja pra chvarobu vyjšła na pieršyja staronki rasijskich ŚMI.
