Respublikanskaja premjera historyka-pryhodnickaha filma «Avantury Pranciša Vyrviča» pieranosicca na maj. Kinastudyja «Biełaruśfilma» vyrašyła pieraahučyć karcinu na biełaruskaj movie. Film vyjdzie ŭ prakat adnačasova na dźviuch movach, kali budzie hatova biełaruskamoŭnaja viersija, paviedamili BiełTA na kinastudyi.
Upieršyniu film šyrokaj publicy płanujuć prademanstravać u mai, chacia premjerny pakaz prajšoŭ 19 sakavika.
U asnovie karciny «Avantury Pranciša Vyrviča» raman biełaruskaj piśmieńnicy Ludmiły Rubleŭskaj. U knizie raskazvajecca historyja junaha Pranciša Vyrviča i mudraha doktara, ałchimika Butramieja Lednika. Jany akazvajucca ŭ centry baraćby za tron Rečy Paspalitaj, dziela jakoha mahutnyja Radziviły, Sapiehi i Bahinskija sprabujuć zavałodać lehiendarnaj ramfiejaj ułady. Hierojaŭ čakajuć adčajnyja bitvy, pahoni, słaŭnyja podźvihi i kachańnie.