Pamierła byłaja palitźniavolenaja, udzielnica ruchu za niezaležnaść Biełarusi Nadzieja Dziemidovič. Joj było 93 hady.
Pra heta «Našaj Nivie» paviedamiła Nastaśsia Azarka.
Nadzieja Dziemidovič naradziłasia ŭ Słonimskim rajonie ŭ 1927 hodzie, z maładości brała ŭdzieł u nacyjanalnym ruchu. Z 1944 da 1949 hoda pražyła pad čužymi dakumientami, chavajučysia ad aryštu. Aryštavali jaje ŭ Kazachstanie, dzie jana pracavała na chlebakambinacie.
U HUŁAHu jana praviała siem hadoŭ, udzielničała ŭ Kienhirskim paŭstańni viaźniaŭ.
Paśla viartańnia ŭ Biełaruś pracavała na zavodzie «Haryzont». Choć ad 1980 hoda jana była invalidam pieršaj hrupy, jana aktyŭna ŭdzielničała ŭ baraćbie za niezaležnaść.
Da samych apošnich hadoŭ na Dziady jana chadziła ŭ pieršym šerahu šeściaŭ u Kurapaty.
