Prezident Francyi Emaniuel Makron u čaćvier, 27 lutaha, pryjechaŭ u paryžskuju balnicu Pićje-Salpietryjer, dzie napiaredadni pacyjent pamior ad karanavirusa Covid-19. Jak paviedamili ŭ Jelisiejskim pałacy, meta vizitu — supakoić francuzaŭ, jakija aścierahajucca raspaŭsiudu epidemii, paviedamlaje rfi.fr.
Prezident choča takim čynam pasłać suhramadzianam «abnadziejlivy sihnał» i «zapeŭnić francuzaŭ u poŭnaj mabilizacyi francuzskich miedycynskich słužbaŭ, jakija źjaŭlajucca adnymi z samych efiektyŭnych u śviecie», — zajavili ŭ Jelisiejskim pałacy.
Tym nie mienš, u balnicy Makron zajaviŭ: «My staim pierad epidemijaj», da jakoj «treba padrychtavacca najlepšym čynam».
Jak paviedamlaje AFP, u balnicu razam z Makronam pryjechaŭ ministr achovy zdaroŭja Aliŭje Vieran i hienieralny dyrektar paryžskaha dziaržaŭnaha kiravańnia achovy zdaroŭja (AP-HP) Marten Chirš.
Napiaredadni, u sieradu, u balnicy pamior 60-hadovy vykładčyk, jaki staŭ pieršym francuzam, jaki pamior ad karanavirusa. Raniej, u siaredzinie lutaha, u Francyi ad nastupstvaŭ chvaroby pamior 80-hadovy turyst z Kitaja.
Zhodna z danymi na 27 lutaha, u Francyi ahulnaja kolkaść zachvarełych skłała 18 čałaviek.
