Fota ź Vikipiedyi
Rasijskaja tenisistka Maryja Šarapava abjaviła pra zaviaršeńnie spartyŭnaj karjery. Pra heta jana paviedamiła ŭ svajoj kałoncy ŭ časopisie Vogue.
Šarapava naradziłasia ŭ Niahani (Sibir) u 1987 hodzie. Jaje baćki pierajechali tudy z Homiela, ratujučysia ad nastupstvaŭ Čarnobylskaj avaryi.
U tenis jana hulała 28 hadoŭ. Va ŭzroście šaści hadoŭ na Šarapavu źviarnuła ŭvahu češskaja tenisistka Marcina Naŭraciłava. Jana paraiła addać spartsmienku ŭ akademiju Nika Balećjery ŭ ZŠA. Tak Šarapava apynułasia ŭ Fłarydzie.
U 2004 hodzie tenisistka trapiła ŭ finał samaha prestyžnaha turniru Wimbledon. Jana abyhrała amierykanku Sierenu Uiljams, staŭšy pieršaj u historyi rasijskaj spartsmienkaj, jakaja vyjhrała turnir. U 2005, 2007, 2008 i 2012 hadach Šarapava stanaviłasia pieršaj rakietkaj śvietu.
U 2016 hodzie spartsmienku na dva hady adchilili ad spabornictvaŭ z-za vyjaŭleńnia ŭ jaje dopinh-proby mieldoniju. Paśla dyskvalifikacyi Šarapava vyjhrała adzin turnir WTA.
