Aŭtarytetnaja va ŭsim śviecie hazieta «Ńju-Jork tajms» paprasiła skłaści prahnoz uładalnikaŭ Oskara-2020 svajho kinaahladalnika Kajła Bjukieniena. Dzielimsia z vami idejami žurnalista.
Što da hałoŭnaj naminacyi — film-pieramožca — ekśpiert addaje pieravahu vajennamu filmu «1917» Sema Miendesa (jaki stanie i najlepšym režysioram pa vynikach premii, ličyć Kajł Bjukienien).
Najlepšym akcioram pryznajecca vykanaŭca roli Džokiera ŭ adnajmiennym filmie Chaakin Fieniks, a najlepšaj aktrysaj — Rene Ziełviehier, vykanaŭca roli aktrysy Džudzi Harlend u bajopiku «Džudzi».
Zapavietnuju statuetku jak najlepšy akcior druhoha płana atrymaje Bred Pit za ŭdzieł u filmie «Adnojčy ŭ Halivudzie», a najlepšaj aktrysaj druhoha płana stanie Łora Dern za rolu ŭ stužcy «Šlubnaja historyja».
Film «Parazity» režysiora Pon Čžun Cho atrymaje pryz i za najlepšy aryhinalny scenar, i jak najlepšy zamiežny film, pierakanany kinakrytyk «Ńju-Jork tajms».
Što ž, heta tolki prahnoz, chaj i ad daśviedčanaha čałavieka, a ŭžo ŭ noč na 10 lutaha ŭ Łos-Andželesie nazavuć sapraŭdnych pieramožcaŭ. Čakajem!
