U minułuju subotu ŭ Aŭstryi italjanski kiroŭca źbiŭ na darozie troch mužčyn — heta byli biełaruskija dalnabojščyki, paviedamlaje Tut.by.
DTZ adbyłosia kala 12.00 u subotu ŭ aŭstryjskim horadzie Arnoldštajn, niepadaloku ad miažy ź Italijaj i Słavienijaj.
Lehkavy aŭtamabil jechaŭ pa zaśniežanaj darozie, a pa supraćlehłym baku ŭ hety čas išli try piešachody. Jak miarkujecca, lehkavik pry pavarocie naprava zaniesła na ludziej i ich prycisnuła da aharodžy abo adkinuła ŭ jaje bok. Mahčyma, adzin čałaviek ad udaru adlacieŭ u les.
Dapamoha paciarpiełym pryjšła pozna. U vyniku avaryi dva čałavieki atrymali traŭmy, adzin zahinuŭ.
Pa dadzienych palicyi, paciarpiełyja piešachody — biełaruskija kiroŭcy hruzavikoŭ, jakija pracavali na litoŭskuju kampaniju. Na vychodnych jany pryparkavali svaje mašyny ŭ miastečku Terł-Mahlern i mieli namier chadzić pa kramach pieššu. Za rulom lehkavoha aŭto, jaki ździejśniŭ DTZ, byŭ 73-hadovy italjaniec, jaki pražyvaje ŭ Aŭstryi.
