kremlin.ru
Siebaśćian Kurc iznoŭ uznačaliŭ Aŭstryju, zaniaŭšy pasadu kanclera krainy nasupierak letašniamu palityčnamu skandału z «plamieńnicaj ruskaha aliharcha».
Prezident Aŭstryi Aleksandar van der Belen pryvioŭ Kurca da prysiahi. Raniej jon jak lidar «Aŭstryjskaj narodnaj partyi» (ANP) zmoh damovicca ab uradavaj kaalicyi z «Zialonymi». U 2019 hodzie ANP pieramahła na daterminovych vybarach, nabraŭšy 38,4 adsotka hałasoŭ.
Kurca ŭžo navat pavinšavaŭ Łukašenka.
«Raźličvaju na praciah plonnaha i daviernaha dyjałohu z vami», — napisaŭ biełaruski kiraŭnik.
Kurc — na siońnia samy małady kiraŭnik urada ŭ śviecie. Jamu 33 z pałovaj hady (naradziŭsia 27 žniŭnia 1986 hoda). Niekalki miesiacaŭ samym maładym na siońnia kiraŭnikom urada była premjer Finlandyi Sana Maryn. Ale jana na dzieviać miesiacaŭ starejšaja za Kurca.
Pieršy ž raz Kurc uznačaliŭ urad Aŭstryi, kali jamu byŭ 31.
A ŭvohule samym maładym u historyi kiraŭnikom urada byŭ premjer Lichtenštejna Marya Fryk. Jamu tady było 29 hadoŭ.