Hienieralnaja asambleja AAN pryniała rezalucyju, jakaja zaklikaje Rasiju vyvieści svaje vojski z Krymskaha paŭvostrava i spynić akupacyju terytoryi Ukrainy.
Klučavyja punkty rezalucyi: patrabavańnie da Rasii vyvieści svaje vojski z Kryma; viarnuć usio vajennaje abstalavańnie, kanfiskavanaje z zachoplenych ukrainskich karabloŭ u Kierčanskim pralivie; asudžeńnie Rasii za praviadzieńnie vajennych vučeńniaŭ na ŭkrainskim paŭvostravie, a taksama vykarystańnie jadziernaj infrastruktury.
U padtrymku prapanavanaj Ukrainaj rezalucyi prahałasavali 63 krainy, suprać vykazalisia 19, jašče 66 ustrymalisia.
Siarod krain, jakija prahałasavali suprać pryniaćcia dakumienta: Armienija, Biełaruś, Burundzi, Kambodža, Kitaj, Kuba, Paŭnočnaja Kareja, Iran, Kyrhyzstan, Łaos, Mjanma, Nikarahua, Filipiny, Rasija, Sierbija, Sudan, Siryja, Vieniesueła, Zimbabve.
