Siońnia na pasadu kiraŭnika Administracyi prezidenta zamiest Natalli Kačanavaj byŭ pryznačany pieršy namieśnik staršyni KDB Ihar Sierhie(ja)ienka. Navina pra pryznačeńnie ŭžo na sajcie, i tut uźnikła pytańnie: jak ža pieradavać proźvišča novaha čynoŭnika pa-biełarusku? Bo ŭ ŚMI sustrakajucca dva varyjanty proźvišča: Sierhiejenka i Sierhiajenka.
Pa-pieršaje, treba vyznačycca z naciskam, ad jaho šmat što zaležyć u biełaruskaj movie. Miarkujučy na formie proźvišča na biełaruskaj viersii sajta KDB, nacisk padaje na treci skład, tam padajecca forma «Sierhiaénka». Tak jano paznačana i va ŭsich aficyjnych krynicach (BiełTA, belarus.by i inš.), u tym liku ŭ dakumiencie ź jaho podpisam.
Ale ŭ biełaruskaj movie jakańnie nie adbyvajecca ŭ pieršym składzie pierad naciskam paśla zadniejazyčnych h, k, ch (jak i ŭ słovach hieroj, kieramika, Hierakł, proźviščach Hieraščanka i Šukiełojć, naprykład). Vychodzić, pa praviłach proźvišča musić pisacca Sierhieénka.
I ŭ Biełaruskaj encykłapiedyi my adšukali adnafamilca byłoha śpiecsłužbista — aniestezijołaha i reanimatołaha Mikałaja Ivanaviča Sierhieénku.
Vidać, pamyłka, zroblenaja supracoŭnicaj pašpartnaha stała, budzie i nadalej tyražavacca ŭ presie. Ale nie na sajcie «Našaj Nivy».
