Kampanija pa pieravydańni hulni praciahvajecca, i jašče jość mahčymaści dałučycca i atrymać cikavyja łoty, jakija paźniej budzie vielmi ciažka znajści.
Siarod łotaŭ — stylovy lniany čachoł, nabor ścikieraŭ, pryśviečanych hulni i paŭstańniu 1863 hoda, pratektary i adzin z samych cikavych — značak časoŭ paŭstańnia. A taksama aŭtary hulni na zakančeńnie kampanii rychtujuć cikavy siurpryz.
Jašče adna cikavaja admietnaść hulni — heta jaje bahataje histaryčnaje napaŭnieńnie. U hulni možna sustreć šmat histaryčnaha kantentu. Na kartkach źmieščanyja sapraŭdnyja histaryčnyja asoby — ad Kalinoŭskaha da Muraŭjova, łozunhi časoŭ paŭstańnia, daty važnych histaryčnych padziejaŭ, a kali skłaści kartki «Praklonu» ŭ admysłovym paradku, to možna budzie pračytać pieršy numar «Mužyckaj praŭdy».
Niekalki słoŭ pra hulniu «Paŭstancy»
«Paŭstancy» — biełaruskaja nastolnaja hulnia, jakaja prapanuje pahłybicca ŭ atmaśfieru dalokaha 1863 hoda i zaniać miesca znakamitaj histaryčnaj asoby (Kalinoŭskaha, Urubleŭskaha, Muraŭjova i inš.) albo ŭ jakaści prostaha biełarusa paŭpłyvać na vyniki paŭstańnia. Hulnia pieršapačatkova pabudavana na znosinach pamiž ludźmi, vykazvańni i abmierkavańni svajoj pazicyi. Chłusić, padmanvać i pa-majstersku błytać prysutnych — prava kožnaha ŭdzielnika.
Upieršyniu «Paŭstancy» vyjšli ŭ 2013 hodzie i nabyli vialikuju papularnaść. U druhoj redakcyi hulnia nabyła novy vyhlad i stała bolš dynamičnaj, pašyryłasia jaje histaryčnaje napaŭnieńnie, a taksama źjavilisia dva dadatki — «Praklon» i «Padziei».
Pačytać hutarku sa stvaralnikami hulni Antonam i Nastaj Jankoŭskimi možna pa spasyłcy.
