Paet Leanid Prančak vyjhraŭ jašče dva sudy pa abaronie svaich aŭtarskich pravoŭ. Adpaviednyja rašeńni apublikavanyja na sajcie Viarchoŭnaha suda. Imia Prančaka nie nazyvajecca, jon zhadvajecca jak «pazoŭnik P.»
Pieršy praces datyčyŭsia dapamožnika, vydadzienaha «ŭstanovaj adukacyi H.» u 2000 hodzie. Prančak znajšoŭ na staronkach knihi try svaje vieršy i zapatrabavaŭ kampiensacyju za try parušeńni — praz 19 hadoŭ paśla publikacyi! Aproč taho, vydaviectva vykłała elektronnuju viersiju dapamožnika ŭ internet. A značycca, Prančak zapatrabavaŭ hrošy jašče za try parušeńni.
Ahułam jon chacieŭ atrymać 1606,5 rubla z ulikam kampiensavańnia jamu pošliny za padaču zajavy ŭ sud.
U vyniku «ŭstanova adukacyi H.» vyrašyła nie davodzić spravu da suda i pahadziłasia pieraličyć paetu 841,5 rubla.
Druhaja zajava Prančaka tyčyłasia vierša, apublikavanaha na adnym z sajtaŭ paŭtara hoda tamu. Paet chacieŭ atrymać 267,75 rubla kampiensacyi z ulikam pošliny — i atrymaŭ ich u dasudovym paradku.
U nastupnyja dni pačnucca jašče try pracesy: Prančak vystupaje suprać Baranavickaha dziaržaŭnaha ŭniviersiteta, Viciebskaha dziaržaŭnaha ŭniviersiteta i Minskaha abłasnoha instytuta raźvićcia adukacyi.
Adznačym, što minimalny pamier kampiensacyi za parušeńnie aŭtarskich pravoŭ ciapier składaje 25,5 rubla (raniej było 255 rubloŭ), adnak fihuranty «spravaŭ Prančaka» pa-raniejšamu dobraachvotna spłačvajuć zapytanyja im vialikija sumy.
Čytajcie:
50 spraŭ Leanida Prančaka: jak adzin paet paralizavaŭ pracu Viarchoŭnaha suda
Vašy dzieci lubiać vierš «Cik-tak, chodziki»? Nikomu nie kažycie pra heta: vas moža zasudzić paet Leanid Prančak
«Papraŭka imia Prančaka»: minimalnaja kampiensacyja za parušeńnie aŭtarskich pravoŭ pamienšała ŭ 10 razoŭ
