Adnaŭleńnie pastavak jodaŭtrymalnaha preparatu niamieckaj vytvorčaści čakajecca ŭ treciaj dekadzie kastryčnika, paviedamiła karespandentu BiełTA pres-sakratar Ministerstva achovy zdaroŭja Julija Baradun. Nahadajem, siońnia źjaviłasia infarmacyja, što ŭ Minsku ŭ aptekach nie chapaje jodaŭtrymalnych preparataŭ.
«Najaŭnaść lekavaha srodku «Jodamaryn» u vielmi abmiežavanaj kolkaści źviazana z adsutnaściu mahčymaści adhruzki ŭ niamieckaha vytvorcy. Adnaŭleńnie pastavak čakajecca paśla rašeńnia vytvorčych prablem», — zapeŭnili ŭ viedamstvie.
Ciapier u aptečnaj sietcy jość u najaŭnaści «Kaliju jodyd» (tabletki 100 mh i 200 mh, vytvorčaść RF), «Jod + falijnaja kisłata» (tabletki 200 mh, Biełaruś), «Anciaksikaps ź jodam» (kapsuły, Biełaruś). Kaliju jodyd uvachodzić u skład praktyčna ŭsich vitaminna-minieralnych kompleksaŭ.
