U stalicy Aŭstryi Vienie 23 vieraśnia była abrabavana juvielirnaja krama, traŭmatyčnaj zbrojaj byŭ paranieny haspadar kramy i jaho dačka, jakaja ŭ hety momant znachodziłasia ŭ pamiaškańni. Palicyja Aŭstryi ŭžo apublikavała fota padazravanaha — im akazaŭsia hramadzianin Biełarusi Eduard Zdanovič, pieradaje sajt heute.at sa spasyłkaj na palicyju.
Rasśledavańnie vyjaviła, što aŭtamabil, na jakim rabaŭniki adryvalisia ad palicyi, byŭ nabyty tydzień tamu mienavita našym ziemlakom.
Złačyncy raźbili vitrynu kresłam, uchapili juvielirnyja vyraby, sieli ŭ pryparkavanaje niepadalok aŭto i źnikli. Mocna paškodžany aŭtamabil palicyja paśla znajšła niedaloka ad miažy z Čechijaj, vidać, złačyncy trapili ŭ DTZ. Zaraz biełarusa z naparnikam abjavili ŭ vyšuk.
Jak paviedamlaje partał 015.by, 36-hadovy žychar Hrodna Eduard Zdanovič pracuje dalnabojščykam.
