U 6-aj paliklinicy adkryŭsia kabiniet nieadkładnaj dapamohi. Pra heta paviedamlajecca na sajcie ŭstanovy.
«Dla pamianšeńnia času čakańnia doktara-piedyjatra doma, jakasnaha i svoječasovaha akazańnia miedycynskaj dapamohi chvoramu dziciaci z mahčymaściu łabaratornaj dyjahnostyki ŭ dzień zvarotu, u paliklinicy arhanizujecca rabota kabinieta nieadkładnaj dapamohi jak alternatyva vykliku lekara na dom. Hetak ža dadatkova pavialičvajecca čas pracy doktaraŭ-piedyjatraŭ u paliklinicy dla pryjomu pacyjentaŭ z vostrymi zachvorvańniami», — paviedamlajecca na sajcie.
U rehistratury palikliniki raspaviali, što ciapier, kali vy budziecie vyklikać doktara chvoramu dziciaci na dom, vam prapanujuć pryvieści dzicia na pryjom u palikliniku.
«Ale heta tolki pa vašym žadańni. Kali ŭ dziciaci vialikaja tempieratura, to, viadoma, u vizicie doktara dadomu vam nichto nie admović. Pa telefonie vas uvažliva vysłuchajuć, i kali mahčymy pryjom u paliklinicy, vam prapanujuć samomu pryvieści dzicia na pryjom da doktara», — raskazali ŭ 6-aj paliklinicy.
Akramia taho, čas pryjomu piedyjataram u paliklinicy pavialičyŭsia z troch da piaci hadzin u dzień.
