U subotu, 7 vieraśnia, pamiž Ukrainaj i Rasijaj pačaŭsia abmien viaźniami.
Kala 9:00 ranicy z maskoŭskaha SIZA «Lefortava» ŭ aeraport Unukava adpravilisia dva pasažyrskija aŭtobusy. Miarkujecca, što ŭ aŭtobusach znachodziacca ŭkrainskija źniavolenyja.
Da ofisa ŭkrainskaha ambudsmiena Ludmiły Dzianisavaj źjazdžajucca svajaki palitviaźniaŭ i vajennapałonnych ukraincaŭ. U pryvatnaści, tudy prybyli dačka i siastra Aleha Siancova, svajaki Aleha Panova i Alaksieja Sizanoviča.
Na maskoŭski aeradrom Unukava pryjechali aŭtobusy, jakija vyjechali ź SIZA Lefortava i ŭ jakich mohuć znachodzicca ŭkrainskija palitviaźni i vajennapałonnyja, pieradaje rasijski Interfaks.
«Samalot ź liŭrejaj u vyhladzie ŭkrainskaha ściaha pryziamliŭsia ŭ aeraporcie «Unukava» i pryčaliŭ da pierona ŭradavaha terminała «Unukava-2». U samalota ŭklučany ruchaviki», — piša vydańnie.
Šerah žurnalistaŭ, jakija buduć sačyć za padziejami vakoł abmienu, publikujuć kartu palotaŭ, na jakoj śpiecrejs z Maskvy zaraz nakiroŭvajecca ŭ Kijeŭ.