U 1839 hodzie ŭ vioscy Zakoziel ciapierašniaha Drahičynskaha rajona źjaviłasia kaplica nievierahodnaj pryhažości. Naležała jana znakamitamu rodu Ažešak, tut časta byvała i viadomaja piśmieńnica Eliza Ažeška. Kali zirnuć, naprykład, na malunak Napaleona Ordy 1850 hoda, to možna ŭbačyć, što heta byŭ chram nievierahodnaj pryhažości. Nie mienš bahatym było i ŭnutranaje ŭbranstva kaplicy, jakoje ŭklučała ŭ siabie karunki tonkich nierviuraŭ na zvodach stoli, skulptury i vitražy.
Na žal, na siońnia amal ničoha ź pieraličanaha nie zastałosia. Paśla paŭstańnia Kalinoŭskaha chram kanfiskavali va ŭłaśnikaŭ, i, niahledziačy na kvołyja sproby zachavać budynak, apošnija 150 hod jon tolki prychodziŭ u zaniapad. Tym nie mienš, kaplica ŭražvaje svajoj architekturaj i pa siońniašni dzień. A samy niezvyčajny vyhlad kaplicy možna ŭbačyć ciomnymi žnivieńskimi načami. Adrazu kala Zakazieli pačynajucca biaskrajnija prastory bałota Zvaniec, tamu nieba tam zaŭsiody vielmi ciomnaje, a zorki — jarkija i blizkija.
