Nie paśpieła leta pačacca, jak pryjšoŭ jaho «viečar» — žnivień. Nie zaŭvažym, jak praź miesiac pryłaŭki kram pačnuć strakacić roznakalarovymi šarykami, navahodnimi cackami, mišuroj i inšymi kaladnymi atrybutami. A sapraŭdy ž — Novy hod nie za harami, tamu sioje-toje možna i treba padrychtavać ciapier.
Fota Dźmitryja Łabanava, Shutterstock.com
Naprykład, važna vyznačycca, dzie i z kim vy budziecie sustrakać Novy hod. Z hetym navat varta paśpiašacca, asabliva kali płanujecie padarožža, aktyŭny adpačynak abo pachod u restaran. Treba zahadzia zabraniravać kvateru, dom, stolik abo apartamienty, inakš prosta možacie zastacca ŭbaku.
Tym ža, chto budzie doma, možna nahledzieć hałoŭny atrybut navahodnich śviataŭ — jalinku. Kali vy nie prychilnik štohadovaj kupli žyvoj jalinki abo kali vam nadakučyła biaskonca prybirać absypanyja ihołki — a jany raz-poraz źjaŭlajucca ŭ samych niečakanych miescach, — lepš zadumacca nad jaje nabyćciom zaraz: u internecie vialiki vybar štučnych jalinak. Kali zrabić heta krychu raniej, to vy zekanomicie čas napiaredadni Novaha hoda i, chutčej za ŭsio, jašče atrymajecie źnižku — niesiezonnyja tavar, jak praviła, tańniejšyja. Da taho ž, u śniežni budzie zanadta šmat inšych vydatkaŭ: padarunki, novyja śviatočnyja ŭbory, stały.
Ciapier u prodažy jość biełyja, zialonyja, čyrvonyja i navat čornyja jalinki. Jany mohuć być z šyškami i biez, zaśniežanyja, ź biełymi končykami, ź zialonymi (nakštałt maładych parastkaŭ). Vyznačciesia z vyšynioj: čym vyšejšaja navahodniaja pryhažunia, tym bolš joj spatrebicca miesca. Tamu, kab nie zasmučacca, łamajučy hałavu, kudy jaje pastavić, pradumajcie heta zahadzia. Samy cikavy i samy darahi varyjant štučnaha dreva (jon maksimalna nabližany da naturalnaha) — heta kupić adlivanuju jalinku. Jaje ihołki zrobleny z płastyku i vyhladajuć vielmi naturalna. Anałaham mohuć być tak zvanyja madeli miks: naprykład, PVCH z adlivanymi ihołkami.
Kali ŭsio ž vas vabić pach žyvych jalinak i vy vyrašyli, što heta budzie dreva ŭ kadcy, to lepš nazapasić hrošaj: kaštuje jano niatanna.
Taksama možna ŭžo zaraz prykupić ci chacia b asensavać i zapłanavać padarunki siabram i blizkim. Heta dazvolić vam zekanomić šmat času, paźbiehnuć čerhaŭ i mituśni.
Ale hałoŭnaje, nie zabudźciesia padrychtavać dobry nastroj i ŭziać jaho z saboj u 2020 hod!
Krynica: Maxy.by
