Źmianiajucca miežy, płošča i skład ziamiel Biarezinskaha bijaśfiernaha zapaviednika i nacyjanalnaha parku «Brasłaŭskija aziory». Heta praduhledžana ŭkazam Łukašenki, piša BiełTA.
U pryvatnaści, sa składu ziamiel Biarezinskaha bijaśfiernaha zapaviednika, jakija ŭtvarajuć jaho terytoryju, vyviedzieny ziamielnyja ŭčastki niekatorych ziemlekarystalnikaŭ, metavaje pryznačeńnie jakich nie adpaviadaje pryrodaachoŭnym metam. Taksama źmianiajucca miežy, płošča i skład ziamiel achoŭnaj zony zapaviednika.
Što tyčycca nacyjanalnaha parku «Brasłaŭskija aziory», jaho płošča ciapier budzie składać 64 216,33 ha (raniej 64 493,3 ha), a płošča zapaviednaj zony — 3407,2 ha (raniej 3406 ha).
Taksama źmianiajucca miežy, płošča i skład ziamiel zony rehulavanaha vykarystańnia, rekreacyjnaj, haspadarčaj i achoŭnych zon nacyjanalnaha parku.
