Paet i palityk Uładzimir Niaklajeŭ ciapier znachodzicca ŭ šviedskim horadzie Łund. Vydańnie Sydsvenskan napisała, što biełaruski aŭtar atrymaŭ status piśmieńnika-biežanca ŭ Šviecyi.
Uładzimir Niaklajeŭ. Fota Siarhieja Hudzilina.
Pavodle šviedskich ŚMI, Niaklajeŭ atrymaŭ dvuchhadovuju stypiendyju, a taksama biaspłatnaje pražyvańnie ŭ horadzie Łund, jaki znachodzicca na poŭdni Šviecyi.
«Prahrama nakiravanaja na piśmieńnikaŭ, jakija padviarhajucca cenzury ci pieraśledu ŭ svajoj krainie», — havorycca ŭ paviedamleńni.
Uładzimir Niaklajeŭ prakamientavaŭ dla «NN» svajo znachodžańnie ŭ skandynaŭskaj krainie.
«Heta ni ŭ jakim razie nie emihracyja. Ja mieŭ zaprašeńnie ad šviedaŭ, ale nie moh skarystać jaho praz spravy ŭ Biełarusi. Pakolki abvieścili, što prezidenckija vybary adbuducca nie sioleta, to ja vyrašyŭ vykarystać hetuju mahčymaść. Spadziajusia za hety čas dapisać raman pra Janku Kupału», — kaža Niaklajeŭ.
Na pytańnie, kolki jon płanuje prabyć u Łundzie, piśmieńnik adkazvaje nastupnaje: «Leta dakładna budu, a tam jak atrymajecca». Jon zapeŭnivaje, što dakładna nie źbirajecca pravodzić u Šviecyi dva hady. Žonka Volha zastałasia ŭ Minsku. Pra bytavyja ŭmovy prybyvańnia ŭ Łundzie jon žartuje tak: «Jościeka dzie žyć. Umovy nie horšyja, čym u biełaruskich turmach».
Uładzimir Niaklajeŭ naradziŭsia ŭ 1946 hodzie ŭ Krevie Smarhonskaha rajona. Viadomy paet. U 2010 hodzie ŭdzielničaŭ u prezidenckich vybarach u jakaści kandydata, paśla čaho pravioŭ peŭny čas u turmie i pad chatnim aryštam. Praciahvaje pa siońnia zajmacca hramadskaj dziejnaściu.
