Sud Maskoŭskaha rajonu Miensku aštrafavaŭ abaroncu Kurapat Dzianisa Ŭrbanoviča na 1147,5 rubla, paviedamlaje «Radyjo Svaboda».
Pavodle dvuch składzienych na aktyvista pratakołaŭ, ź jakimi pahadziŭsia sud, jon byŭ vinavaty ŭ drobnym chulihanstvie i niepadparadkavańni zakonnym patrabavańniam milicyi. Vinu ŭ abodvuch parušeńniach Dzianis Urbanovič nie pryznaŭ.
Uviečary 25 sakavika Dzianis Urbanovič padčas vachty ŭ Kurapatach zajšoŭ na terytoryju restaracyi «Pojediem pojedim» ź bieł-čyrvona-biełym ściaham i niekalki razoŭ vykryknuŭ «Žyvie Biełaruś». Pavodle Dzianisa Ŭrbanoviča, hetak jon vinšavaŭ supracoŭnikaŭ i naviednikaŭ restaracyi z 101-mi ŭhodkami BNR. Adnak supracoŭniki restaracyi ŭspryniali ŭčynak aktyvista jak chulihanstva i vyklikali milicyju. Pra heta ŭ sudzie śviedčyła dyrektarka «Pojediem pojedim» Śviatłana Dubkova. Kali narad pryjechaŭ, pavodle śviedki-milicyjanta, Dzianis Urbanovič admaŭlaŭsia «prajści dla składańnia pratakołu».
Lidera «Maładoha frontu» Dzianisa Ŭrbanoviča za ŭdzieł u pikietavańni ŭ Kurapatach nieadnarazova štrafavali i sadžali na sutki, taksama jon nieadnojčy byŭ paciarpieŭ ad najezdu aŭtamabilaŭ naviednikaŭ restaracyi.
