Fota ź Vikipiedyi
Šviejcarski akcior Bruna Hanc pamior u svaim domie ŭ Ciurychu. Jamu było 77 hadoŭ.
Hanc atrymaŭ šyrokuju papularnaść u 1970-ja hady i da kanca žyćcia byŭ zapatrabavany ŭ kiniematohrafie. Słava pryjšła ź filmam «Nieba nad Bierlinam». Jaho apošniaj pracaj stała rola ŭ trylery Łarsa fon Tryjera «Dom, jaki pabudavaŭ Džek», jaki vyjšaŭ u 2018 hodzie (jon syhraŭ Vierhilija). Z 1996-ha šviejcarac byŭ uładalnikam Piarścionka Ifłanda — dyjamientavaha piarścionka, uładalnik jakoha maje prava pieradać jaho najlepšamu, na jaho dumku, niamieckamoŭnamu akcioru.
Biełaruskamu hledaču Hanc viadomy pa filmie «Bunkier» 2004 hoda, u jakim jon syhraŭ Adolfa Hitlera. Epizod z hetaj kinastužki, u jakim pravadyr Treciaha rejcha ŭ vykanańni šviejcarca razumieje, što vajna prajhrana, prychodzić u šalenstva i ŭčyniaje svaim paplečnikam raznos, staŭ asnovaj dla šmatlikich parodyj. Scenu pieraahučvali i dadavali ŭ jaje žartoŭnyja subtytry, kab zdavałasia, byccam by fiurer reahuje na niejkuju situacyju ŭ realnym śviecie.
