Fota Carlos Garcia Rawlins / Reuters.
Vieniesuelskaja apazicyja doŭhi čas tanuła ŭ mižpartyjnych sprečkach i prajhravała. Situacyja źmianiłasia ciaham dvuch tydniaŭ, paśla taho jak kiraŭnikom Nacyjanalnaj asamblei byŭ abrany 35-hadovy Chuan Huajdo.
Jon syn lotčyka i nastaŭnicy, abodva jaho dziady byli vajskoŭcami. U palityku jon pryjšoŭ studentam. Pa adukacyi jon inžynier. Akramia taho, jon skončyŭ aśpiranturu va Univiersitecie Džordža Vašynhtona ŭ ZŠA.
U 25 hadoŭ jon staŭ suzasnavalnikam partyi «Narodnaja vola», jakaja ŭstała ŭ rašučuju apazicyju čavistam. Kiraŭnika hetaj partyi Łopiesa paźniej aryštujuć i pasadziać u turmu pa abvinavačvańni ŭ arhanizacyi biesparadkaŭ. Tyja biesparadki pakinuć śled na šyi Huajdo: šnar ad humovaj kuli.
Huajdo abrali novym śpikieram 5 studzienia, a paśla taho jak Madura 10 studzienia pravioŭ čarhovuju ŭłasnuju inaŭhuracyju, Huajdo abviaściŭ jaho ŭzurpataram (na prezidenckich vybarach u mai 2018 hoda Madura pa aficyjnych źviestkach atrymaŭ 68% hałasoŭ vybarščykaŭ pry jaŭcy tolki 46%. Apazicyja tyja vybary bajkatavała).
23 studzienia na masavym mitynhu pratestu suprać dyktatury Madura i ekanamičnaha kałapsu Huajdo prynios prysiahu prezidenta.
Niečakanyja kroki Huajdo halvanizavali vieniesuelskaje hramadstva, jakoje było ŭžo źniavieryŭšysia ŭ mahčymaści štości pamianiać u krainie. Jany taksama vyklikali imhniennuju reakcyju ZŠA, ź jakimi Madura viadzie daŭniuju baraćbu, i susiednich krain, jakija pryniali miljony vieniesuelskich mihrantaŭ, što biahuć ad ekanamičnaha kryzisu.
