U sacyjalnych sietkach i telehram-kanałach abmiarkoŭvajecca DTZ, u jakoje trapiŭ namieśnik dyrektara pa ideałohii pradpryjemstva «Palimir» Siarhiej Brykun.
Siarhiej Brykun (sprava). Fota gazeta-naftan.by.
Vidavočcy paviedamlajuć, što ŭ noč 11 studzienia KIA ideołaha ździejśniła najezd na bardziur. Maŭlaŭ, sam Brykun byŭ u stanie ałkaholnaha apjanieńnia. Kali pryjechali supracoŭniki DAI, to jon pačaŭ kryčać, što «kormić uvieś horad».
Aŭtamabil DAIšniki adbuksiravali ŭ štrafnuju stajanku. Praŭda, z KIA adrazu źniali numary.
Nam atrymałasia dazvanicca ŭ Navapołack da Siarhieja Brykuna, voś što jon skazaŭ nam: «Usio heta, što pišuć u internecie, paklop!»
Siarhiej Brykun paviedamiŭ «NN», što incydent sapraŭdy mieŭ miesca być. «My viartalisia dadomu, na majoj mašynie, za rulom byŭ nie ja, a inšy čałaviek. Mašynu zaniesła, zaniesła na bardziur. Čałaviek pajšoŭ za klučami, a ja zastaŭsia ŭ aŭtamabili».
Adnosna taho, ci kryčaŭ jon, što «kormić uvieś horad», Brykun adkazaŭ: «Poŭny paklop. Nikoli ŭ žyćci sabie takoha nie dazvalaŭ i nie dazvolu. Ja hetym pahardžaju. Heta paklop, na jakim ludzi zavostravajuć uvahu. Zakaznoje ačarnieńnie čałaviek».
Na pytańnie, kamu heta moža być vyhadna, namieśnik dyrektara «Palimira» ŭspomniŭ niezaležny prafsajuz, jaki pracuje na pradpryjemstvie: «Im by chaciełasia, kab my pytańni rašali inakš ź imi, a my pracujem tolki pa zakanadaŭstvie».
Na samim pradpryjemstvie nam skazali, što ŭsie čuli pra incydent. Praŭda, nichto nie viedaje, ci budzie jon mieć niejkija nastustvy. Pakul Siarhiej Brykun praciahvaje chadzić na pracu.
