Futbalist pieciarburhskaha «Zienita» Alaksandr Kakoryn i futbalist «Krasnadara» Pavieł Mamajeŭ, abvinavačanyja ŭ chulihanstvie i naniasieńni pabojaŭ pa spravie ab bojcy ŭ centry Maskvy, pieraličyli źbitamu imi kiroŭcu viadučaj Pieršaha kanała hrošy ŭ košt kampiensacyi maralnaj i materyjalnaj škody. Pra heta TASS paviedamiŭ u sieradu krynica, blizkaja da śledstva.
«U materyjalnym płanie pytańnie z kiroŭcam urehulavany - hrošy adpraŭlenyja paciarpiełamu na śpiecyjalna adkryty dla jaho raźlikovy rachunak, što moža być pradstaŭlena na sudzie ŭ jakaści źmiakčalnych abstavinaŭ», - skazaŭ surazmoŭca ahienctva. Jon dadaŭ, što Kakoryn i Mamajeŭ prynieśli ŭsim paciarpiełym prabačeńni, vinu pryznali ŭ poŭnym abjomie.
Advakaty abvinavačanych i advakaty paciarpiełych nie paćvierdzili i nie abvierhli infarmacyju ab pieraličeńni hrošaj kiroŭcu, spasłaŭšysia na padpisku pra nierazhałošvańnie tajamnicy śledstva.
Nahadajem, 33-hadovaha Vitala Sałaŭčuka ź Biełarusi 8 kastryčnika ŭ Maskvie źbili rasijskija futbalisty Kakoryn i Mamajeŭ za toje, što jon zrabiŭ im zaŭvahu.
Sałaŭčuk pracuje kiroŭcam i čakaŭ viadučuju Pieršaha kanała Volhu Ušakovu. Kala siomaj ranicy futbalisty i ich siabry vyjšli z maskoŭskaha stryptyz-kłuba i pačali bić nahami mašyny na parkoŭcy. Sałaŭčuk zrabiŭ im zaŭvahu. U adkaz kampanija napała na mužčynu i naniesła jamu niekalki ŭdaraŭ pa hałavie. U vyniku jon byŭ dastaŭleny ŭ reanimacyju sa strusam mozhu i čerapna-mazhavoj traŭmaj.
Maskoŭskaja milicyja pa fakcie źbićcia zaviała kryminalnuju spravu.
