Varony napadajuć na ludziej u Salihorsku. Videa z napadami ahresiŭnych ptušak u rajonie doma №65 na vulicy Zasłonava apublikavała vidavočca ŭ sacsietcy.
«Heta adbyvałasia na vulicy Zasłonava. Ja ŭ toj momant znachodziłasia na bałkonie i ŭbačyła, jak varony nakidvajucca na minakoŭ, — raspaviała karespandentu MŁYN.BY aŭtar videa Volha Kapcavickaja. — Jany prosta išli pa svaich spravach i ptušak zusim nie pravakavali. Vy viedajecie, z kvatery, viadoma, nie tak strašna na ŭsio heta hladzieć, a voś ludzi na vulicy zdavalisia hierojami filma žachaŭ.
Z čym źviazana ahresiŭnyja pavodziny ptušak i što rabić, kali napadajuć varony, raspaviała zahadčyk adździaleńnia dadatkovaj adukacyi Ekołaha-bijałahičnaha centra dziaciej i moładzi Salihorskaha rajona Volha Saniuk:
«Zaraz vypadki pačaścilisia, tamu što varony abaraniajuć svaje hniozdy i ptušaniat. Tamu tak reahujuć na ŭsio, što ruchajecca pad drevami: niachaj heta budzie ludzi ci chatnija žyvioły. Niejak siabie zaścierahčy nie atrymajecca, bo nie viedaješ, u jaki momant jany napaduć. Treba było źniščać hniozdy ŭ miežach horada da taho, jak vyvielisia ptušaniaty. Zaraz zastajecca tolki pieračakać pieryjad ich staleńnia — a heta 2-3 tydni».
