Alaksandr Vus. Fota: lidanews.by
Zatrymanaha kličuć Alaksandr Vus. Jamu 45 hadoŭ i jon uradženiec Lidy.
Apošnim časam Vus pracavaŭ kiraŭnikom Dyjahnastyčnaj stancyi № 2, jakaja zajmajecca techničnym absłuhoŭvańniem transpartu. Asnoŭnyja klijenty kampanii — dziaržaŭnyja pradpryjemstvy.
Raniej byŭ hałoŭnym juryskonsultam u lidskim adździaleńni Bielinviestbanka.
Ale viadomy Vus nie hetym, a svaim aktyŭnym udziełam u vybarčych kampanijach. Padčas parłamienckich vybaraŭ u 2016 i 2019 jon uznačalvaŭ vybarčuju akruhu, na jakoj pieramahali «patrebnyja» kandydaty.
Pakinuli Vusa kiraŭnikom Lidskaj rajonnaj vybarčaj kamisii i na 2020 hod.
U vyniku mienavita Vus padpisvaŭ sfalsifikavany vynikovy pratakoł, jaki zaśviedčyŭ nibyta pieramohu Alaksandra Łukašenki. Miarkujučy pa źviestkach płatformy Hołas, jaho «pieramoha» supravadžałasia šmatlikimi parušeńniami.
Nieviadoma, kali zatrymali Vusa, ale, imavierna, jašče da parłamienckich vybaraŭ-2024.
Siońnia ŭ Lidskim rajonnym sudzie pačaŭsia sud nad im. Vusa vinavaciać u atrymańni chabaru ŭ bujnym pamiery abo arhanizavanaj hrupaj (č. 2 art. 430 KK RB) i złoŭžyvańni ŭładaj abo słužbovymi paŭnamoctvami (č. 2 art. 424 KK RB). Falsifikataru pahražaje ad 3 da 10 hadoŭ kałonii.
«Naša Niva» — krynica jakasnaj infarmacyi i bastyjon biełaruščyny
PADTRYMAĆ «NN»Čytajcie taksama:
Za bujny chabar sudziać dyrektara «Minskrambuda» i tyłavoha načalnika z Departamienta achovy MUS
Za chabar asudzili vykładčyka Baranavickaha ŭniviersiteta
U Vjetnamie prysudzili da śmiarotnaha pakarańnia miascovuju miljarderku
