Žury abviaściła vyniki premii za najlepšuju knihu dla dziaciej i padletkaŭ.
Łaŭreatami Premii Ciotki zrabilisia Valery Hapiejeŭ, aŭtar knihi «Maja miłaja viedźma» (u naminacyi «Najlepšy tvor dla dziaciej abo padletkaŭ»), i mastačka Lizavieta Lankievič, jakaja prailustravała knihu «Azbuka. Viasioły vulej» Ryhora Baradulina (u naminacyi «Najlepšaje mastackaje afarmleńnie»). Cyrymonija ŭznaharodžańnia prajšła 3 traŭnia ŭ Kult. centry «Korpus».
Pieramožcy ŭ kožnaj z naminacyj atrymali hrašovuju ŭznaharodu, ekvivalentnuju 2000$.
Žury taksama adznačyła najlepšyja pracy ŭ abiedźviuch naminacyjach i skłała dva šort-listy.
Litaraturny śpis:
1. Raisa Baravikova. Pra kašečaha karala Varhina i myšku Padnorku: kazki ź mifałahičnaha lusterka. «Źviazda», 2017;
2. Volha Hapiejeva. Dźvie Aviečki. «Halijafy», 2017;
3. Valery Hapiejeŭ. Maja miłaja viedźma. «Mastackaja litaratura», 2017;
4. Siarhiej Pryłucki. Dałoŭ darosłych! «Luta sprava», 2017;
5. Ludmiła Rubleŭskaja. Avantury Pranciša Vyrviča, zdradnika i kanfiederata: raman pryhodnicki i fantasmaharyčny. «Źviazda», 2017;
6. Aksana Sprynčan. Smačnaja kniha. «Mastackaja litaratura», 2017.
Mastacki śpis:
1. Bazinato — Ł. Volski, A. Hłobus, A. Chadanovič. Kazimir Malevič dla dziaciej. «Łohvinaŭ», 2017;
2. Marta Hieraščanka — V. Hapiejeva. Dźvie Aviečki. «Halijafy», 2017;
3. Kaciaryna Dubovik — Dž. M. Bary. Piter Pen. «Knihazbor», 2017;
4. Kaciaryna Dubovik — Ł. Kerał. Skroź lusterka, i što ŭbačyła tam Alisa. «Halijafy», 2017;
5. Jan Žvirbla — V. Bykaŭ. Svajaki. «Knihazbor», 2017;
6. Lizavieta Lankievič — R. Baradulin. Azbuka. Viasioły vulej. «Knihazbor», 2017;
7. Anastasija Sakałoŭskaja — U. Maruk. Jaršy plali kašy. «Mastackaja litaratura», 2017;
8. Anna Sarvira — S. Pryłucki. Dałoŭ darosłych! «Luta sprava», 2017;
9. I. Stachijevič — V. Akudovič, Ł. Volski, A. Hłobus, H. Kiślicyna, A. Chadanovič. Mastactva Biełarusi XX stahodździa. Viciebskaja škoła. «Łohvinaŭ», 2017;
10. Marta Čarnova — M. Čarakova. Śmiełaja dziaŭčynka. «Poppuri», 2017.
U skład mastackaha žury sioleta ŭvajšli Vasilisa Palanina, Valeryj Słavuk, Pavieł Tatarnikaŭ.
Siabrami litaraturnaha žury Premii Ciotki stali Piatro Vasiučenka, Viera Žybul (Burłak), Volha Mazurava, Alena Masła i Andrej Chadanovič.
Premija była zasnavanaja ŭ 2015 hodzie Biełaruskim PEN-centram, fondam «Viartańnie» i Sajuzam biełaruskich piśmieńnikaŭ. Papiarednija pieramožcy premii: Nadzieja Jaśminska, aŭtarka knihi «Siem ružaŭ», i Kaciaryna Dubovik — jaje ilustratarka (vydaviectva «Halijafy»), a taksama Uładzimir Arłoŭ i Pavieł Tatarnikaŭ z knihaj «Ajčyna: malaŭničaja historyja. Ad Rahniedy da Kaściuški» (vydaviectva «Technałohija»).