25 krasavika na pasiadžeńni hramadskich aktyvistaŭ byŭ stvorany kamitet pa vyzvaleńni palitviaźniaŭ, paviedamiła ŭ svaim fejsbuku jaho kaardynatar Maryna Adamovič. Na pieršym pasiadžeńni ŭdzielniki kamiteta abmiarkoŭvali, jak dapamahčy asudžanamu na try hady za supraciŭ milicyjantam u cyvilnym Śviatasłavu Baranoviču.
Siabry kamiteta zaklikajuć pryznać Baranoviča palitviaźniem.
«My rasceńvajem pieraśled Śviatasłava Baranoviča, jak i źniavoleńnie Źmitra Palijenki, i niadaŭniaje zatrymańnie niezaležnaha žurnalista Źmitra Hałko, taksama abvinavačanych u napadzie na supracoŭnikaŭ milicyi, jak adnaznačny pasył ułady hramadzianskaj supolnaści, skiravany na zapałochvańnie hramadstva, padaŭleńnie jaho voli da supracivu hvałtoŭnym dziejańniam i pieraduchileńnie mirnych pratestnych akcyj. Kamitet pa vyzvaleńni palitviaźniaŭ adnaznačna i adnahałosna vyznaje Śviatasłava Baranoviča palitviaźniem i zaklikaje biełaruskuju i mižnarodnuju hramadskaść da salidarnaści ź im», — havorycca ŭ zajavie.
Darečy 4 maja ŭ Minskii haradskim sudzie budzie razhladacca apielacyjnaja skarha na prysud Śviatasłavu. Pačatak a 10-j.
