13 sakavika ŭ studyi ANT adbyŭsia zapis pieradačy «Naša žyćcio», pryśviečanaj temie 100-hodździa Biełaruskaj Narodnaj Respubliki. Sama prahrama vyjdzie ŭ efir 19 sakavika a 21:10.
U pieradačy ŭziali ŭdzieł dastatkova roznyja pa svaich pohladach ludzi. Staršynia Partyi BNF Ryhor Kastusioŭ adznačaje, što bolšaść udzielnikaŭ pahadziłasia, što «BNR — heta biełaruski prajekt».
Jon raskazaŭ, što pieršym słova ŭziaŭ historyk, deputat Pałaty pradstaŭnikoŭ Ihar Marzaluk, jaki i zadaŭ ton pieradačy. Mienavita Marzaluk skazaŭ, što BNR była biełaruskim prajektam.
«Faktyčna adzinym, chto zajmaŭ procilehłuju pazicyju, byŭ Alaksiej Dzierman, jašče krychu paspračalisia z Aleham Hajdukievičam», — adznačaje Kastusioŭ.
U pieradačy ŭziali ŭdzieł taksama dyrektar Instytuta historyi Viačasłaŭ Daniłovič, historyk Aleh Trusaŭ, pradstaŭnik «Havary praŭdu» Siarhiej Vaźniak.
