Najlepšym filmam pryznana «Forma vady» Hiljerma del Tora.
Reuters.com
U «Formy vady», akramia hałoŭnaj uznaharody, jašče try «Oskary». Hiljerma del Tora atrymaŭ za karcinu premiju jak najlepšy režysior. «Oskary» film uziaŭ taksama ŭ katehoryjach «Najlepšy saŭndtrek» i «Najlepšy dyzajn filma».
U filmie raspaviadajecca pra žyćcio niamoj dziaŭčyny Ełajzy Espazita, jakaja ŭ razhar chałodnaj vajny pracuje ŭ sakretnaj łabaratoryi ŭ ZŠA prybiralščycaj. Jana stanovicca śviedkaj taho, jak tam vyvučajuć i katujuć niezvyčajnuju istotu-amfibiju. Kali jana razumieje, što jaho mohuć zabić, Ełajza vyrašaje vyratavać jaho ŭ što b tam ni stała.
Akramia «Formy vady», na hałoŭny «Oskar» pretendavali «Pryvidnaja nitka» Poła Andersana, «Dziunkierk» Krystafiera Nołana, «Łedzi Bierd» Hrety Hiervih, «Ciomnyja časy» Džo Rajta, «Nazavi mianie svaim imieniem» Łuki Huadańjina, «Try biłbordy na miažy Ebinha, štat Misury» Marcina Makdonacha, «Sakretnaje daśje» Styviena Śpiłbierha, «Preč»Džordana Piła.
Śpis asnoŭnych uznaharodaŭ
***
Najlepšy režysior — Hiljerma del Tora za film «Forma vady»
«Najlepšy akcior» — Hery Ołdmen za film «Ciomnyja časy» (rola Uinstana Čerčyla).
Najlepšaja žanočaja rola — Frensis MakDormand, «Try biłbordy na miažy Ebinha, Misury».
Najlepšy apieratar — Rodžer Dykins, «Toj, chto biažyć pa lozie 2049».
U naminacyi «Najlepšy adaptavany scenar» pieramohu atrymaŭ Džejms Ajviery za film «Nazavi mianie svaim imieniem». Ajviery — 89 hadoŭ.
Pryz za «Najlepšy aryhinalny scenar» atrymaŭ film «Preč» Džordana Piła — heta chorar na temu rasavaj talerantnaści
U naminacyi «Najlepšy karotkamietražny film» pieramahła stužka «Niamoje dzicia» Krysa Oviertana i Rejčeł Šentan. Heta film pra hłuchuju dziaŭčynku, da jakoj nikomu niama spravy, pakul da jaje nie prychodzić sacrabotnik.
Film «Raj — heta zator na 405-j šašy» pieramoh u naminacyi «Najlepšy karotkamietražny dakumientalny film». Jon raspaviadaje pra mastačku ź psichičnym zachvorvańniem.
Premiju za najlepšy mantaž atrymaŭ «Dziunkierk», hety ž film atrymaŭ statuetki za «Najlepšy mantaž huku», «Najlepšaje źviadzieńnie huku».
Pieramožcam u naminacyi «Najlepšy dyzajn» staŭ film «Forma vady», a ŭ naminacyi «Najlepšyja vizualnyja efiekty» — «Toj, chto biažyć pa lozie 2049».
Najlepšym filmam na zamiežnaj movie stała «Fantastyčnaja žančyna» čylijskaha režysiora Siebaśćiana Lelia pra toje, jak źmianiajecca žyćcio žančyny-tranśviestyta paśla straty kachanaha.
Najlepšaj animacyjnaj stužkaj nazvana «Tajamnica Kako» studyi Pixar Li Ankryča i Adryjana Molina, što raspaviałaje pra 12-hadovaha Mihiela, jaki maryć stać muzykantam i adpraŭlajecca ŭ padarožža ŭ Krainu Miortvych.
Najlepšaj dakumientalnaj karcinaj nazvali film «Ikar», pryśviečany prablemie dopinhu ŭ rasijskim sporcie.
Najlepšym filmam na zamiežnaj movie stała zhadanaja vyšej «Fantastyčnaja žančyna».
«Najlepšym akcioram druhoha płana» staŭ Sem Rokueł («Try biłbordy na miažy»).
Reuters.com
Pryz za «Najlepšuju žanočuju rolu druhoha płana» atrymała Elisan Dženi («Tonia suprać usich»), što syhrała maci skandalnaj fihurystki Toni Chardynh.
