«Vialikaja častka «Hipatyi» padobnaja da drenna źmiašanaha ciesta piraha… Mietearyt źmiaščaje vialikuju kolkaść vielmi śpiecyfičnych vuhlarodnych złučeńniaŭ, jakija nazyvajuć poliaramatyčnymi vuhlevadarodami. Jany źjaŭlajucca asnoŭnym kampanientam mižzornaha pyłu, što isnavaŭ jašče da ŭtvareńnia našaj Soniečnaj sistemy», — havoryć adzin z aŭtaraŭ daśledavańnia Jan Kramiers.
Adnak samyja vialikija niečakanaści prynios detalny analiz maleńkich minieralnych ziarniatkaŭ. U ich byŭ znojdzieny taki ŭnikalny kampanient, jak čysty mietaličny aluminij. Na Ziamli i inšych płanietach našaj sistemy samarodki aluminija ŭ miziernych kolkaściach mohuć sustrakacca tolki ŭ vielmi śpiecyfičnych umovach, naprykład, u žerłach vułkanaŭ. Akramia hetaha ŭ zierniach prysutničali karbid kremnija i fasfat srebra (u niečakanych formach). I narešcie, vyjaŭlena chimičnaje złučeńnie fosfaru ź nikielem, ale biez žaleza — dahetul takoje złučeńnie nie sustrakałasia ni na Ziamli, ni na kaśmičnych abjektach. (Navuka viedała jak adzin z kampanientaŭ mietearytaŭ tolki nikielistaje žaleza, jakoje ŭjaŭlaje saboj ćviordy rastvor nikiela ŭ žalezie z utrymańniem nikiela ad 6—7% da 30—50%.)
Imavierna, «Hipatyja» sfarmavałasia jašče da ŭtvareńnia Soniečnaje sistemy. Daśledčyki ličać, što abjekt źjaviŭsia na śviet pry tempieratury nižej za -196°S. Mahčyma, mietearyt prylacieŭ na Ziamlu z pojasa Kojpiera, jaki znachodzicca ŭ 40 razoŭ dalej ad Sonca, čym naša płanieta.
