Niadaŭna pryznačany premjer-ministr Polščy Mateuš Maraviecki.
U Polščy pamianiali siem ministraŭ. Siarod adpraŭlenych u adstaŭku — ministr abarony Antoni Maciarevič, ministr zamiežnych spraŭ Vitald Vaščykoŭski, ministr achovy zdaroŭja Kanstanty Radźvił.
Na pasadu ministra abarony pryznačany 48-hadovy Maryjuš Błaščak, jaki raniej zajmaŭ pasadu ministra ŭnutranych spraŭ.
Ministram zamiežnych spraŭ staŭ 61-hadovy prafiesar Jacak Čaputovič, jaki apošni čas zajmaŭ pasadu namieśnika ministra.
Maciarevič byŭ pradstaŭnikom ultranacyjanalistyčnaha kryła kiraŭničaj partyi.
Urad kansiervatyŭnaj partyi «Zakon i spraviadlivaść» (polskaja abrevijatura PiS) zastajecca papularnym. Pavodle apošnich apytańniaŭ hramadskaj dumki, za partyju hatovyja prahałasavać 43% vybarcaŭ, tady jak asnoŭnaja apazicyjnaja siła, libieralnaja Hramadzianskaja płatforma karystajecca padtrymkaj 19% palakaŭ, a levyja sacyjał-demakraty — usiaho 7%.
Krytyki vinavacili ŭrad PiS-a ŭ aŭtarytarnych zamaškach i nahniatańni napružańnia ŭ krainie. Pieratasoŭka ŭrada maje na mecie, najchutčej što, palepšyć imidž Polščy ŭ Jeŭrasajuzie. Raniej na pasadzie premjer-ministra Bieatu Šydła źmianiŭ pamiarkoŭny vychadziec ź finansavych kołaŭ Mateuš Maraviecki.