Pjany 43-hadovy mužčyna, pasažyr «Mazdy Ksiedas-6», kala vioski Minci Vałožynskaha rajona ŭdaryŭ u tvar supracoŭnika DAI, piša kraj.by.
Incydent zdaryŭsia 30 śniežnia kala 16.30 na 3-m kiłamietry darohi Vałožyn — Višnieva — Klim, niedaloka ad vioski Minci, dzie nios słužbu narad DPS DAI. Adzin z supracoŭnikaŭ spyniŭ «Mazdu», u jakoj nie było paśviedčańnia ab techahladzie. Kiroŭca ź dziaržaŭtainśpiektaram prajšli ŭ mašynu DAI. Druhi supracoŭnik milicyi zastaŭsia na vulicy.
Pakul inśpiektar i kiroŭca «Mazdy» raźbiralisia, u «Maździe» pračnuŭsia 43-hadovy pasažyr. Niecenzurna łajučysia, jon vychapiŭ žazło z ruk milicyjanta, złamaŭ jaho i ŭdaryŭ supracoŭnika pa tvary.
Padazravany zatrymany. Pry miedycynskim ahladzie ŭ jaho kryvi vyjaŭlena 1,8 pramile ałkahola.