Tvorčaja łabaratoryja Ruda razam z Etnakramaj Rahna ŭ čas Kryvych viečaroŭ abviaščajuć konkurs na najlepšy kaladny fotazdymak.
U pieryjad da 19 studzienia 2018 h. raźmiaščajcie na svajoj staroncy fotazdymki z chešteham #KaladyzRahnaj u UKantakcie, Fejsbuku ci Instahramie.
Tematyka zdymkaŭ: Kalady, kaladavańnie i inšyja kaladnyja abrady, maski, tradycyjnyja kaladnyja stravy, simvały i atrybuty śviata. Da ŭdziełu ŭ konkursie taksama prymajucca fotazdymki pryrody, horada i vioski, jakija adpaviadajuć kaladnamu sensavamu šerahu.Vitajucca infarmacyjnyja i mastackija apisańni zdymkaŭ. Vyjavy musiać być ułasnymi, ale nieabaviazkova tolki z Kaladaŭ 2017-18 hh.
U niadzielu 21 studzienia, kali ŭ šerahu rajonaŭ Centralnaj Biełarusi ładzicca abrad pravodzinaŭ śviata «Ciahnuć Kaladu na duba», my abvieścim pieramožcu, jakoha vyznačać arhanizatary konkursu.
Pieramožcy atrymajuć padarunki ad tvorčaj łabaratoryi Ruda i Etnakramy Rahna:
1) za pieršaje miesca - padarunkavy siertyfikat Etnakramy Rahna na sumu 30 rub.;
2) za druhoje miesca - abiareh z salarnym znakam;
3) za treciaje miesca - torba «Kalady».
Dobraj doli ŭ hetyja Kryvyja viečary! #KaladyzRahnaj