Pa adukacyi Nastaśsia ekanamist, ale, jak sama pryznavałasia, nie zmahła znajści ŭ Hrodnie ani narmalnaj pracy pa śpiecyjalnaści, ani dastojnaha chłopca. U pošukach lepšaj doli jana pierajechała ŭ Maskvu i dniami źjaviłasia ŭ efiry telebačańnia.
Zvyčajna ŭ paraŭnańni ź inšymi ŭdzielnikami biełarusy pavodziać siabie ścipła, ale fanaty «Doma-2» na forumach adznačajuć, što jakraz Nastaśsia nie takaja. Jana adrazu zajaviła pra siabie dziorzka: adznačyła, što joj padabajecca «brutalny i spartyŭny» udzielnik Sajman, jakomu jana paabiacała «biaskoncaje čaraŭnictva», ale ŭžo chutka flirtavała ź inšym chłopcam pa mianušcy Štrych, u žyćci — Andrej Dzianisaŭ. Darečy, jon taksama biełarus: minčuk 1995 hoda naradžeńnia, jak i Nasta, niadaŭna pryjšoŭ u prajekt. Jak i ziamlačka, chłopiec nastrojeny tam zatrymacca, tamu hatovy na ŭsio.
