Rasspažyŭnahlad padoŭžyŭ zabaronu na roźničny prodaž niecharčovaj śpirtaźmiaščalnaj pradukcyi, uviedzienuju ŭ kancy minułaha hoda z-za masavaha atručeńnia «Hłoham» u Irkucku. Termin zabarony skončyŭsia jašče 9 kastryčnika. U Rasspažyŭnahladzie nie tłumačyli, z čym źviazanaja adterminoŭka padaŭžeńnia zabarony, paviedamlaje VVS.
«U suviazi z vypadkami masavych vostrych atručeńniaŭ ludziej niecharčovaj śpirtaźmiaščalnaj pradukcyjaj, u tym liku, sa śmiarotnymi zychodami, pastanaŭlaju jurydyčnym asobam i indyvidualnym pradprymalnikam prypynić na termin 180 sutak roźničny handal niecharčovaj śpirtaźmiaščalnaj pradukcyjaj», — havorycca ŭ pastanovie hałoŭnaha dziaržaŭnaha sanitarnaha lekara Rasii Hanny Papovaj.
Taksama ŭvodzicca zabarona na handal śpirtaźmiaščalnymi charčovymi dadatkami i aramatyzatarami z utrymańniem etyłavaha śpirtu bolš za 28% (za vyklučeńniem škłoabmyvalnych vadkaściaŭ, niavadkaj śpirtaźmiaščalnaj pradukcyi, a taksama śpirtaźmiaščalnaj pradukcyi z vykarystańniem pakavalnych srodkaŭ, jakija vyklučajuć jaje pieraralnaje spažyvańnie).
U pastanovie ŭdakładniajecca, što zabarona tyčycca śpirtaźmiaščalnych vadkaściaŭ, jakija pradajucca nižej za roźničnauju canu harełki, likiora-harełačnaj i inšaj ałkaholnaj pradukcyi krepaściu zvyš za 28%.
Zabarona na prodaž niecharčovaj śpirtaźmiaščalnaj pradukcyi ŭ Rasii była ŭviedzienaja ŭ kancy minułaha hoda paśla masavaha atručeńnia kancentratam dla vannaŭ «Hłoh» u Irkucku, dzie zahinuli 76 čałaviek. Z tych časoŭ Rasspažyŭnahlad nieadnarazova jaho padaŭžaŭ.
U lipieni hałoŭny sanitarny lekar Papova, adznačajučy efiektyŭnaść zabarony, kazała, što z momantu jaho ŭviadzieńnia lik zahinułych ad atručeńnia śpirtaźmiaščalnymi vadkaściami ŭ roznych rehijonach Rasii źniziŭsia ad 20% da 50%.
